KRALENDIJK – USIBO a tuma nota ku gobièrnu ulandes a disidí di alargá e medidanan di emergensia ku 3 luna mas. Nos no sa si ainda bou di kua kondishonnan esaki lo tuma lugá. Pues te ku 13 di yüni awor trahadónan lo por sigui risibí 80% di nan salario, dado kaso nan no tin trabou pa motibo di e krisis di corona. USIBO ta gradisido pa e alargamento aki, pero na mes momento USIBO kier hasi un yamada na tur sektor pa nos no bai drumi kere ku e alargamentu aki lo keda pa semper. USIBO ta di opinion ku mester usa e temporada aki, kaminda nos trahadónan ta risibí un ayudo, pa prepará pa ora kuminsá habri Boneiru. Nos ta kontento ku en partikular hotèl Flamingo, Delphins Hotel, Habitat i Plaza, tur kuater miembronan di BONHATA ta usando e tempu aki pa trein nan personal.SZW ta duna kompanianan e fleksibilidat pa por trein trahadó nan pa por kumpliku tur e protokòlnan nobo. Tambe USIBO a tuma nota ku te ku 13 di yüni empresanan lo por hasi uzo di trahadónan. Nos sa ku tin hopi trabou ku por hasi, manera trabounan di mantenshon, di limpiesa. Tambe lo ta bon pa organisá e plataforma kon ta bai mantené e distansia sosial ora kuminsá habri atrobe. Nos a komprondé ku e trahadónan ku keda yamá lo traha máksimal 32 ora pa siman i lo risibí 80% di nan salario ku nan tabata risibí kaba. USIBO ta spera ku trahadónan lo duna nan koperashon pa asina nan mantené nan mes ku e bon kustumber di traha i alabes risibí treining den nan trabou.

Share This
error: Content is protected !!