KRALENDIJK – Hermana isla Kòrsou i Aruba a vota pro pa mantené nan propio moneda, esta e florin. Kada isla tin nan propio moneda ku ta e florin, loke ántes tabata e kaso na Boneiru, sinembargo Boneiru awor ta hasi uso di dòler merikano. Resientemente a hasi un investigashon, di parti di “Adviesbureau Linkels & Partners”, pa medio di Internèt. Por a hasi uso pa vota sea pa moneda florin òf un otro, entre otro dòler merikano. Gran parti di komunidat di Aruba i Kòrsou no ke tuma despedida di nan florin. Na Kòrsou a partisipá 1338 voto ku a  reakshon i na Aruba 955. Un total di 67 porshento ta e kaso di esnan ku na Aruba ta deseá pa mantené e florin. Na Kòrsou un kantidat di 55 porshento di hende a proponé pa keda ku nan florin, i no kambi’é pa nada otro. E motibu ku no ke hasi kambio pa e moneda florin, ta e miedu pa preis subi, debí na e kambio, loke mayoria bes ta sosodé.  

Share This
error: Content is protected !!