KRALENDIJK – E barku di abastesimentu i transporte Zr. Ms. Karel Doorman awe djabièrnè 29 di mei a bandoná nos isla pa sigui ku su rumbo, despues di tabata 4 dia na Boneiru den kuadro di sosiegu i rekreo.

Dirèkt despues, e barku Zr. Ms. Zeeland a regresá nos isla pa 3 dia. E barku militar aki ‘MS. Zeeland’ ya tabata di bishitá na Boneiru di 16 di mei pa 19 di mei último. Tumando na konsiderashon e sirkunstansianan bou di kua e militarnan tabata riba laman, karentena no ta nesesario. Ya nan a pasa hopi tempu riba laman. A pone kondishonnan estrikto sí ku e tripulashon mester kumpli kuné pa nan por baha for di e barku i ta riba Boneiru.

Kapitan di haf sr. Gunther Flanigen tambe tabata presente pa asina pone su mes na altura di e moveshon den haf i pa tur kos kana manera palabrá.

E barkunan Karel Doorman i Zeeland ta nabegá den laman karibense pa duna sosten na Warda Kosta ku kòntròl di nos fronteranan marítimo durante di e krísis di corona.

Share This
error: Content is protected !!