KRALENDIJK – E konosido Mario de Mey, ko-fundado di Club Casibari aki na Boneiru a fayesé. E no ta huntu ku nos mas riba e mundu aki. Club Casibari ta e organisashon ku ta uni rubianonan bibá na Boneiru. Mario ta un rubiano bibá pa hopi aña na Boneiru. Mario a laborá hopi aña na “Flamingo Beach Hotel” awor “Divi Flamingo Beach Resort”. Te na momentu ku el a baha ku penshun, Mario tabata hefe di mantenshon na e hotèl. Kas di Mario na Playa pabou tabata e sitio kaminda tabata organisá aktividat relashoná ku dia di Aruba i diferente fiesta privá. Ya pa un temporada, Mario tabata sufri di kebrante di salú. Siman pasá e tristu notisia a yega Boneiru ku Mario a fayesé na su isla natal Aruba. Informashon ku Radio Live 99.9 FM ta disponé di dje ta ku famia ta hib’é su último lugá di sosiegu na Aruba e siman aki, e isla unda el a nase.

Radio Live 99.9 FM ta deseá famia i konosinan forsa ku e pèrdida i pas na su restunan.

Share This
error: Content is protected !!