KRALENDIJK – Empresario i personanan ku a pèrdè trabou pa motibu di e krísis di corona, ta haña sosten finansiero durante e lunanan benidero tambe. Ta prolongá tantu e areglo di emergensia di SZW pa sosten den gastunan salarial, komo e kompensashon di EZK pa gastunan fiho di negoshi, te ku mas tardá 12 di òktober 2020.

Areglo di emergensia SZW
Pa evitá ku dunadónan di trabou ta haña nan mes obligá pa kita empleado, nan por a hasi uso kaba di e areglo di emergensia di SZW den e periodo di 13 di mart te ku 12 di yüni 2020. Empresarionan independiente òf personanan ku a pèrdè trabou pa motibu di e epidemia di corona, tambe por a bini na remarke pa e areglo aki. En konekshon ku e impakto kontinuo di e medidanan rondó di e vírùs di corona, ta prolongá e areglo aki.

Dunadónan di trabou ku ya ta hasi uso di e areglo, no mester hasi un petishon di nobo. Sí, nan mester entregá un deklarashon den kua nan ta indiká e situashon di personal sperá te ku 12 di òktober 2020. Tambe si e situashon kompará ku nan aplikashon promé no kambia, nan mester entregá e deklarashon. Despues ku unidat SZW di RCN a risibí e deklarashon i despues di a prosesá e datonan, por sigui ku prosesamentu di e siguiente pagonan.

Empresarionan independiente i èks empleado ku ta risibí e kompensashon riba nan nòmber propio, no mester entregá deklarashon. Si surgi kambio ku ta resultá den entrada atrobe pa nan, nan mester mèldu esaki na unidat SZW di RCN, meskos ku ta e kaso awor.

USIBO ta hasi un yamada na tur trahadó pa tuma bon nota di e komunikado aki. Te ta bo defensa sea bo ta den sindikato o nò. Si bo ta na kas pa motibu ku bo dunadó di trabou no tin trabou kousá pa e impakto di e coronavirus e ta risibí 80% di bo salario for di SZW pa e pasé pabo. E 20% sobrá e tin ku yega na un areglo ku bo sindikato o ku bo mes.

Share This
error: Content is protected !!