Kralendijk – Maduro & Curiel’s Bank (Bonaire) N.V. ta sigui hasi su máksimo esfuerso pa yuda suavisá e periodo difísil aki pa su klientenan i ta ekstendé e alivio finansiero den forma di moratorio ku 3 luna mas. Pues tres luna èkstra (yüni, yüli i ougùstùs 2020) sin gastu ni interes adishonal riba fiansa.

Klientenan personal ku ta deseá e moratorio ta rekerí pa hasi un petishon ‘Opt-in’ pa e moratorio riba e fiansa personal, hipotek i/òf tarheta di krédito ku e ta deseá. Por hasi e petishon ‘Opt-in’ di un manera fásil, dor di yena e formulario disponibel riba nos wèpsait: mcbbonaire.com. Klientenan ku hasi e petishon ta wòrdu evaluá i tin ku kwalifiká pa e moratorio aki. Klientenan ku NO entregá e formulario aki pa mas tardá djabièrnè 12 di yüni 2020, lo NO wòrdu evaluá i lo NO risibí e moratorio pa lunanan di yüni, yüli i ougùstùs 2020.

Ekstenshon di e moratorio pa klientenan komersial ta bai di forma outomátiko i ta aplikabel pa tarheta di krédito, fiansa komersial i/òf hipotek komersial. Klientenan komersial/negoshinan ku NO ta deseá e moratorio pa lunanan di yüni, yüli i ougùstùs 2020 MESTER ‘Opt-Out’ pa mas tardá djabièrnè 12 di yüni dor di manda un e-mail na: events@mcbbonaire.com.

Klientenan komersial por tuma kontakto tambe ku nan Account Manager pa kualke pregunta ku nan por tin tokante esaki.

Fiansanan personal i komersial ku tin mas ku 90 dia di pago atrasá (punto di salida 16 di mart 2020), NO ta bini na remarke. MCB ta komprometé su mes ku e lo sigui brinda konseho i kompartí mihó pensamentunan kon pa surpasá e tempunan aki. Den e tempunan aki tambe nos ta yama danki pa e konfiansa den nos Banko. Pa mas informashon semper por tuma kontakto ku nos via nos Facebook MCB Bonaire Events òf via e-mail na events@mcbbonaire.com.

Share This
error: Content is protected !!