KRALENDIJK – Wikènt ku a pasa tabatin un torneo di tènis hubenil organisá pa Bonaire Youth Tennis Foundation (BYTF) bou di nòmber di “BYTF Kids Ladder” ku 12 mucha den dos kategoria, di kua den kategoria prinsipiante 4 tènista i kategoria avansá 8 tènista.

E torneo di tènis hubenil tabata na honor di Narcisio “Pachicho” Thodé, gran tenista tempu di su tempu.

Den kategoria prinsipiante, Elina Bosma a gana Sara Garcia 4-0.

Kategoria avansá Kayden Domacassé a gana Izahyr Lacle 4-1 / 4-1.

Despues di e weganan di e muchanan a hasi entrega di sertifikado na tur mucha i medaya na ganadónan. Kayden Domacassé a resultá kampion BYTF Ranking den kategoria avansá. Den kategoria prinsipiante, Elina Bosma a resultá kampion.

Bonaire Youth Tennis Foundation (BYTF) ta gradisí MCB, Obersi group & KBB ku a mira e importansha di premiashon na logronan di e hóben Luis Marcano na Merka ku su graduashon na e Universidat di Delaware ku honor den ingenieria.

Tambe Luis a risibí e premio di mas haltu ku ta e “Arthur Ashe Award” i “Rafael Osuno award’ pa “Excellence and Sportmanship” Ku esaki a hasi entrega di un plakat opsekio di KBB na nòmber di Narcisio “Pachicho” Thodé, di kua e mes tabata presente pa hasi entrega na Luis i un aporte di MCB i Obersi Group.

Despues di e entrega aki tabatin un tremendo wega di demostrashon entre David Conquet i Luis Marcano.

E resultado di e wega tabata ku David Conquet a gana Luis Marcano 6/4 – 6/4.

Pabien Luis, pabien David i pabien na tur e hóbennan. Un danki speshal na German Arango, Yuliet Domacassé i tur e mayornan ku a yuda ku ‘Kids Ladder’ por tabata posibel.

Esakinan di akuerdo ku sr. Robbie Domacassé, instruktor di tènis aki na Boneiru

Share This
error: Content is protected !!