KRALENDIJK – Debí na aktividat ku a baha konsiderablemente na e kompania BOPEC, a pone ku entrada di haf a baha ku 5.4 mion dòler. Resientemente Dudley Wedervoort, hefe di sekshon di finansa, a menshoná esaki durante reunion di komishon fiho di konseho insular. Durante 2019 no tabatin kasi niun tènker ku a mara na terminal di BOPEC.  

El a menshoná ku gastunan a subi aña pasa ku 25 mion dòler, sinembargo esaki tin un splikashon tékniko i ta debí na invershonnan di Hulanda. “26 mion dòler Hulanda a finansiá pa proyektonan spesial. E sèn ta yega riba nos kuenta, sinembargo e no ta di nos. E ta bai den e proyekto destiná i nos ta nota salida di e plaka komo gastu. Manera ta konosí BOPEC e último dos aña aki, a konfrontá problema serio. Resientemente a pone beslag riba e kompania,” Wedervoort a menshoná durante reunion di konseho insular. 

    

Share This
error: Content is protected !!