KRALENDIJK – Fiskal mayó Bote Ter Steege a papia tokante e asuntu di 35 porshento di glas di ‘tint’. “Ta bèrdat ku momentu ku e glas ta skur, ta pèrkurá pa paden di e outo ta mas fresku. Na otro banda mester kòrda riba e parti di seguridat den tráfiko. E lei aktual ta bisa ku por hasi e glas solamente 35 porshento skur, pa polis por kontrolá i mantené òrdu den tráfiko. Loke ta konstatá awor ta ku e 35 porshento no ta funshoná optimal den práktika. Pues tin 2 kos ku mester hasi, un investigashon pa un desishon nobo i skohe pa mas klaridat den outo, loke ta nifiká mas kayente pa esnan den e vehíkulo. Pues un ‘tint’ di ménos skuridat, ku ta laga mas klaridat di solo pasa den e vehíkulo pa polis por kontrolá mihó den un vehíkulo, durante dia i anochi,” Fiskal mayó Bote Ter Steege a bisa.

Share This
error: Content is protected !!