KRALENDIJK – Ta notabel ku trabounan den e fase final ta tumando lugá na e waf di Chachacha Beach e dianan aki. Ya ta konosí ku ta bai renobá e waf den su totalidat, hasié un sitio mas atraktivo i ku algun fasilidat pa entre otro usuarionan di e playa. E plan tabata pa waf tabata kla na luna di mei. E problema di “coronavirus” a pone ku e trabou a wanta pa un temporada, loke a kousa un tardansa chiki den e proyekto. Tur hende ta konsiente di esei, sinembargo nan ta trahando ful spit pa tèrminá e waf. Si tur kos kana bon, pa aki mas o ménos 2 siman e waf ta kla. A pone pipa diki na e sitio i ta bai yena nan ku betòn pa despues pone e parti di e piso ariba di e waf. Havenmeester Gunther Flanegin a menshoná ku ta bai tin un kambio chikitu den e diseño di loke tabatin. E waf ta bai bira poko mas grandi i a usa material duradero. Tambe tin posibilidat pa boto por mara na dje. Spesialmente a diseñ’é pa hende por subi i baha ku tur fasilidat.

 Potrèt ta ilustrá trabou na waf di “Chachacha Beach” durante dia.    

Share This
error: Content is protected !!