ORANJESTAD – Aruba ta habri frontera cu Corsou y Bonaire entrante dialuna 15 di juni 2020. Asina prome minister Evelyn Wever a anuncia durante e briefing pa coronavirus COVID-19. Despues ta habri frontera pa Europa, Canada y resto di Caribe cu excepcion di Haiti y Republica Dominicana, entrante 1 di juli 2020. Despues pa 10 di juli 2020, ta habri frontera tambe pa Merca. No tin fecha ainda pa habri pa paisnan Latino y Centro America. 

TURISTA TIN DI PAGA $75 PA TEST Y $15 PA DIA PA ASEGURO PA SU ESTADIA

Aeropuerto di Aruba hunto cu Hospital a reuni y lo crea un espacio grandi net na e lugar di “Meet and Greet” den Terminal di Arrivals. E lo ta un espacio grandi pa asina hunto cu Hospital, por hiba pasaheronan cu a yega den e espacio ey pa check temperatura, haci un entrevista chikito riba sintoma, y duna nan un rapid-test. Pa esaki e turista tin di paga $75 pa e test.  Despues tambe e tin di tuma un Aseguro di Covid pa su estadia na Aruba.  Esaki lo costa $15 pa dia.

Share This
error: Content is protected !!