KRALENDIJK – Dentro di poko trabounan ta bai kuminsá pa drecha waf di piskadó na Playa pabou. Material ya a yega i awor ta momentu pa terminá waf na “Chachacha Beach” pa despues kontinuá ku waf di piskadó. Ta bai amplia e waf di piskadó ku 20 meter na e parti nort i mas o ménos 10 meter na e parti sùit. Di e manera ei mas boto por mara na e waf. E trabou na e waf no ta bai stroba pa esnan ku ta hasi uso di dje. E trabou ta tuma lugá di un forma ku usuarionan di waf por kontinuá na e sitio, Gunther Flanegin, havenmeester a menshoná. Despues ku kaba ku e waf di piskadó, lo sigui pa waf di sùit. “ E material di waf sùit loke ta pre fábrika ta kla aya na Hulanda, despues ku tabata tin poko retraso den e trabou. Loke a sosodé ta ku debí na e pandemia di ‘corona virus’, e proseso a stanka. E waf ta kla na Hulanda i simplemente mester transporte pa Boneiru. Loke ta spera ta e momentu ku frontera habri pa esnan ku ta bai hasi e trabou por yega Boneiru i traha. Ta kuestion di 2 pa 3 siman ku lo hasi e trabounan di ekstenshon di waf di sùit, Flanegin a menshoná. 

 

Share This
error: Content is protected !!