KRALENDIJK – Djarason tabatin un aktividat, manifestashon pasivo di un organisashon, ku e lema “Black Lives Matter”. Ta trata di un organisashon ku ta boga pa derecho humano pa stòp ku rasista i deskriminashon.

Durante e aktividat ku a tuma lugá, tabatin diferente hende ku bòrchi ku mensahe. Un di esnan ku a hasi e diferensia tabata Marina Melis, kende ta atendé ku buriku na ‘Donkey Santuary’. E ta bon konosí den komunidat di Boneiru, kende ta atendé ku buriku riba e isla. Algun persona a hasi remarke i a bisa ku nan no por kere i komprondé kiko e señora ta ekspresá ku e bòrchi, ku riba dje tin skirbi: “Animal Life Matters Too”! Nan a menshoná esaki debí ku ta trata di un manifestashon pa derecho di hende i no animal.

Echo ta ku e tabata presente i a demostrá ku un bòrchi skirbi ku bida di bestia tambe ta konta i tin balor. Un mensahe kla pa esnan ku ta maltratá bestia.

Share This
error: Content is protected !!