TA DESEÁ TURISTA DI KALIDAT, SINEMBARGO NO TA OFRESÉ PRODUKTO DI KALIDAT

Written by on

KRALENDIJK – Durante e enkuentro kaminda a papia riba puntonan kon pa bai atendé ku turista despues di pandemia di “Covid-19, a bini diferente punto dilanti. Ta trata di e asina yama “Tourism Recovery Plan”. Tin hende presente a menshoná ku hende lokal no ta logra mantené nan negoshi ku solamente e hende lokal. Pues si no tin turista nan negoshi no ta sobrebibí.
A bin ku e proposishon pa drecha kaminda pa bai “Seru Largu” tambe konosí pa Ser’i Montaña. Un bunita área, sinembargo no por yega na e sitio. E kaminda ta hopi deplorabel. Meskos dilanti “Mangazina di Rei” na entrada di Rincon. Un desaster pa move ku bus i stashoná pa e turista baha for di bus. Kosnan chikitu i simpel pa drecha, sinembargo ta papia hopi i no ta hasi nada.

Otro hende a bisa ku ta deseá turista di klase ku ta trese sèn, sinembargo mester tin kos di klase pa ofresé, sino nan no ta bini, te pa nan trese sèn. No tin wc na diferente sitio manera entre otro bichnan. No solamente turista ta hañ’é den nesesidat pa bai wc. E hende lokal tambe ta top’é ku e situashon i no por hasi nada otro ku no ta sea pishi òf pupu kantu di e playa òf poko den mondi.

Otro kos ku a keda menshoná ku no tin kontròl riba vehíkulo ku ta kore ku turista. Loke sí ta kontrolá ku regularidat ta taksistanan. Kua maneho esaki ta? Turista na diferente okashon ta baha for di barku i kai debí na e situashon na e sitio. No a hasi nada pa drecha esaki. Diputadonan aktual i di pasado ta na altura sinembargo no a sosodé nada pa mehorashon. Ta tuma hopi tempu pa haya un pèrmit pa yega idea pa por amplia un kompania pa mihó servisio pa e turista, tabata algun di e pregunta nan i remarke ku a bin dilanti durante e kombersashon.  

Share This

Current track

Title

Artist

error: Content is protected !!