KRALENDIJK – Djasabra mainta trempan alrededor di 8’or, outoridatnan polisial i dos ambulans a keda dirigí ku urgensia pa e kosta pariba di Boneiru na porta spañó, na altura di boka Spelònk kaminda un sambuyadó mester a bin hañ’é ku problema. E hòmber aki huntu ku un persona mas tabata sambuyá i dado momentu el a bin enkontrá problema den laman.

Un patruyá polisial ku a bai na e sitio di e susedido, mester a sali bin bèk na altura di Lagun i guia ambulans pa yega na e sitio.
E sitio sigur tabata unu no fásil pa ambulans yega mirando situashon di e kaminda di mondi. Dor di akshon rápido di e agentenan polisial por a yuda e sambuyadó na tempu na hospital.


Informashon adishonal ku notisia Live99 ta disponé di dje ta indiká ku awe djadumingu a transportá e hòmber aki, porsierto un hóben, ku ‘ambulance flight’ pa hermana isla Kòrsou pa risibí tratamentu médiko mas avansá na hòspital CMC.

Share This
error: Content is protected !!