KRALENDIJK – Sigun suidadano Arthur Sealy: Bonaire banda di e krísis di Corona ta den krísis polítiko. Frakshon di DP a disidí di no partisipá na reunion di Konseho Insular, konsehal Esther Bernabela a papia di un kanser, eks direktor di BHM Ben Oleana a mustra riba metementu di polítika den BHM i kompanianan di gobièrnu. CFT i “ombudsman” tin krítika riba Kolegio Ehekutivo.

E malkontentu pa ku maneho di MPB/UPB ta krea espasio pa pafó di Konseho Insular forma un grupo reakshonario bou di guia di un lider ku ta oponé kontra e partido di kua e tabata simpatisadó òf a forma parti. Si nos habri orea nos ta tende: A bandoná liña di partido, no a kumpli ku loke a primintí, gobièrnu ta debil i tin un deseo pa bai bèk e polítika bieu.

Lidernan di MPB i UPB mester ta alerta. MPB ta boga pa brasa otro manera yunan di pingwino i UPB ta referí na stabilidat. Partido Demokrat ta para pa espasio pa debate polítiko permanente entre diferente manera di pensa. Gruponan reakshonario no ta pensa riba e balornan aki, Nan meta ta, yega na poder. MPB,UPB i DP mester mustra pueblo riba e akuerdo ku nan tin ku pueblo i no ku grupo reakshonario ku set pa poder.

Share This
error: Content is protected !!