KRALENDIJK – Resientemente un kònteiner di 40 pia a yega Boneiru ku un kantidat di produkto destiná pa ‘Banko di kuminda Boneiru’. Ta trata di un kònteiner yená ku 6 mil kilo di wòrtel, 6 mil kilo di kolo, 6 mil kilo di batata i 3 mil kilo di siboyo. E kontenido den e kònteiner tabata un donashon di ‘Patani Global Food BV’ i Fatels Food Group ku a hasi esaki pa ‘Banko di Kuminda Boneiru’. Esaki ta loke Eefje van Rassel di Van den Tweel Caribbean Group a informá.

E kompania a keda aserká luna pasá pa medio di Patric Oostveen, di Patani Globel Food B.V., un di e suministradónan di Van den Tweel Supermarket. Huntu ku un otro kompania empresario na Hulanda nan a bin ku e idea pa wak kua posibilidat tin pa manda batata i bèrdura Boneiru, pa esnan ku a keda perhudiká pa motibu di ‘Coronavirus’. Di e forma aki nan tabata ke a yuda den e tempu difísil. “Banko di kuminda Boneiru den koperashon ku ADRA i gobièrnu Boneiru, lo pèrkurá pa tur produkto yega serka esnan konserní.

Tambe no ta lubidá riba e proyekto ku tin pa kushinamentu, ku ya ta hasi esaki pa algun siman sin ningun interes. E kompania di karga Cavalier, Seatrade i Don Andres N.V. ta koperá pa transportá e kònteiner grátis pa Boneiru. Van Rassel ta gradisí tur kompania boluntario ku a yuda yena e sakunan pa por a repartí nan. 

Share This
error: Content is protected !!