KRALENDIJK – E trabounan di limpiesa na Boneiru ta kontinuá. E biaha aki tabata turno pa Kaya Korona. Empleadonan di Selibon N.V. a limpia kantu di kaminda, plenchi i asta e parada di bùs. A kòrta tur yerba i mata ku tabata formando shushi.

Selibon a risibí diferente bon reakshon pa e bon trabou ku su empleadonan ta ehersiendo i kier yama pueblo di Boneiru danki. Danki pa e bon reakshonnan i Selibon ta sigui traha pa mantené Boneiru limpi i bunita.

Un Boneiru limpi i bunita no ta bon pa e turista so, pero e ta un manera tambe ku nos ta aportá na nos mes salú. Pues, ban sòru pa rondo di nos kasnan i den nos barionan ta limpi. Ora bo kome òf bebe algu, tir’é den baki di shushi i ban sigui tene nos isla limpi i bunita.

Bo a mira un area ku tin mester di limpiesa? Mèldu esaki mesora na 717-8159.

Before
After
Before
After
Share This
error: Content is protected !!