KRALENDIJK – Doñonan ku tin boto mará na parti sùit di e marina di Plaza Resort Bonaire tin 2 siman pa kita nan boto. E persona ku tin derecho di èrfpacht riba e tereno aki ta Herbert de Jongh jr. El a indiká na radio Live 99.9 FM ku ta bai kuminsá desaroyá e área.

E tereno aki pa basta tempu a para bashí. Hopi doño di boto, tantu di piskadó komo di plaser, a mara nan boto na e sitio mirando ku na Boneiru no tin un sitio adekuá pa mara boto i ku e protekshon nesesario.

Entrante promé di yüli 2020 no ta pèrmití niun boto mas na e sitio. Doño di e tereno karesidamente ta hasi un apelashon riba e doñonan di boto pa dentro di dos siman kita nan boto.

Share This
error: Content is protected !!