KRALENDIJK – Havenmeester Gunter Flanegin den un entrevista ku Radio Live 99.9 FM, a papia tokante e boto ku ta karga e nòmber Goto.

“Djabièrnè último a saka Goto for di laman, ku ta un boto ku ta pèrtenesé na BOPEC. 30 aña largu BOPEC a hasi uso di e boto pa mara barku ku tabata bin Boneiru. Aparte di tabata usa Goto na BOPEC, a us’é na Playa tambe pa yuda ku maramentu di barku. Ya pa 6 luna kaba Goto ta for di servisio, ya ku e no ta kumpli ku e reglanan di seguridat marítimo. Nos no tin un idea awor ku a saké for di laman, si ta bai drech’é mirando e situashon ku BOPEC ta den. Hopi tempu mantenshon no a tuma lugá na e boto i no a wòrdu inspekshoná. Esei a pone ku inspekshon di nabegashon a duna òrdu ku e boto no por kontinuá den servisio.

E boto ku ta karga e nòmber ‘Veloz’, fin di siman aki ta drenta laman pa kontinuá ku e servisio. E ta riba tera pa algun trabou di mantenshon. Aparte di ‘Veloz’ tin ‘Patricia’ ku tambe ta yuda ku e trabounan momentu ku ta nesesario,” havenmeester Flanegin a menshoná.

Share This
error: Content is protected !!