KRALENDIJK – Fin di siman tras di lomba un suidadano di bario Rincon a aserká un reportero di Radio Live 99.9 FM i a pidi pa saka potrèt di un situashon i publik’é pa hende tuma nota i bira mas konsiente. El a bisa Rincon ta dushi bario sinembargo algun persona ta aktua inkorekto i trata na daña bunitesa di nos bario. Nos tin un bunita plasa ku un busto di Francisco G. Janga bon konosí komo “Broertje”, persona kende a bai nos dilanti, ku a funda entre otro Dia di Rincon. E tabata un gran polítiko durante añanan di su bida. E no tei mas i tin un sitio pa asina rekord’é. Ta hopi importante pa no laga kos ku no ta pèrtenesé na e sitio. No awor, sino na mas okashon por tuma nota ku algun persona ta bai na e sitio i laga entre otro bòter di serbes, baki di kuminda pa nan kuenta na e lugá ounke tin kliko pa tira esaki aden. Esaki no solamente ta un mahos bista, sino tambe falta di rèspèt, e persona a konta. Ta bon pa esnan ku ta responsabel pa e plasa tuma nota tambe di taki di palmanan ku ya a seka i ta kologá formando un mahos bista na e plasa.

Potrèt ta mustra e sitio i algun bòter di serbes ku un òf mas persona a bai laga na e lugá.

Share This
error: Content is protected !!