KRALENDIJK – Entrada di 91.6 mion dòler ta loke entidat públiko a atministrá durante 2019. Ta trata di 3.1 mion dòler na erfpacht i hür, 5.8 mion dòler na leges, 13.2 mion dòler na impuesto, 28.6 mion dòler na kompensashon liber loke nan ta yama “vrije uitkering”, kontribushon finansiero struktural di Hulanda na entidat públiko Boneiru, 32.6 mion dòler na konstrukshon finansiero spesial pa ehekutá proyekto i por e ehèmpel un atministrashon tékniko di 8.4 mion, ku ta representá un korekshon di e gastunan hasi pa ehekutá proyektonan den kuadro di e kontribushon finansiero spesial.

Diputado Elvis Tjin Asjoe a splika ku e atministrashon tékniko tabata nesesario si ke saka e efekto di e proyektonan for di e atministrashon di gobièrnu. Si ekskluí e montantenan ku nos a risibí pa “bijzondere uitkering”, atministrashon tékniko di 8.4 mion dòler, nos ta keda ku un montante di 50.6 mion i por konkluí ku 43 porshento di nos entrada ta bai generá na Boneiru 57 porshento ta bini for di Reino hulandes komo kompensashon liber.  

Share This
error: Content is protected !!