KRALENDIJK – Entidat públiko durante 2019 a atministrá 83.5 mion dòler na gastu. Esaki tabata loke diputado di finansa Elvis Tjin Asjoe a menshoná den reunion di Konseho Insular resientemente. “Meskos ku nos a hasi korekshon di gastu di proyektonan di 8.4 mion dòler na e parti di entrada, e parti di gastu nos mester hasi un korekshon di e entradanan ku nos a risibí komo ‘bijzondere uitkering’. Si ekskluí 8.4 mion dòler di gastunan ku a usa pa ehekutá e proyektonan di kontribushon tékniko di 32.6 mion dòler, ku ta representá e korekshon di entradanan, ku a risibí pa ehekutá e proyektonan di kontribushon finansiero spesial, esta e ‘bijzondere uitrekening, ta sobra un montante di 42.5 mion dòler, ku a atministrá di e siguiente forma. A paga 19.6 mion dòler na salario, 9 tòn na kònsùltant, 1.2 mion dòler na gastunan di elektrisidat i kombustibel. 9.1 mion dòler (17,5-8.4 BU) na gastunan operashonal, 2 tòn na impuesto, 9,5 mion dòler na gastunan atministrativo di amortisashon,” diputado Tjin Asjoe a bisa. 

Share This
error: Content is protected !!