KRALENDIJK – Kolegio Supervishon Finansiero Boneiru, Sint Eustatius i Saba (CFT BES) ta duna minister di asuntunan interno i relashon di reino (BZK) un konseho positivo riba e kambio di presupuesto manera proponé pa kolegio Ehekutivo di Entidat Públiko Boneiru (OLB). E meta di e amèndemènt  proponé ta, pa pèrkurá pa un oumento e pòst di gastunan imprevisto ku 1 mion dòler. Ta saka e montante aki for di reservanan general. Di e manera aki gobièrnu di Boneiru ke kubri gastunan relashoná ku e krísis di COVID-19.

Na momentu di aprobá e presupuesto 2020, minister di BZK a pidi gobièrnu di Boneiru pa entrega un promé kambio di presupuesto 2020 pa mas tarda 15 di febrüari 2020. Riba e promé kambio di presupuesto CFT tabata di opinion ku esaki no tabata kumpli ku e lei di Finansa di Boneiru, Sint Eustatius i Saba. A pidi kolegio Ehekutivo pa adaptá esaki, promé ku present’é na konseho insular. Esaki a sosodé entretantu. Den e amèndemènt Kolegio Ehekutivo ta bisa ku ya a agotá e pòst imprevisto kompletamente debí na e krísis di COVID-19. Pa e motibu aki ta proponé pa oumentá e pòst menshoná di 1.3 mion dòler na 2.3 mion dòler.

CFT ta bai di akuerdo ku e kambio di presupuesto, manera prosesá den e amèndemènt. Si e pòst imprevisto no ta sufisiente pa apsorbé kontratempu inesperá, por rekurí atrobe na e pòst reserva general. Segun CFT, por konsiderá e situashon aktual, relashoná ku COVID-19 komo un kontratempu inesperá. Pa por saka fondo for di e reservanan general, e fondo ta importante ku e fondo nan disponibel ta sufisiente. Na mart último e posishon di likides di OLB tabata suma 47.1 mion dòler. Di esaki 16.1 mion tabata liber pa gasta

Share This
error: Content is protected !!