KRALENDIJK – Liënne Domacassé ta bai okupá e funshon di direktor na ‘Stichting Project FORSA’, esaki despues ku Mick Schmit a okupá e funshon pa 16 aña. 1 di ougùstùs 2020 ta nombra Domacassé komo direktora di ‘Stichting Project’. Ta trata di un desishon ku ta tuma for di 2019. Na luna di novèmber aña pasá a hasi palabrashon den e hunta di supervishon, i a informá e personal di e ‘Stichting Project’. Schmit ta keda den servisio di e ‘Stichting Project’ komo treiner, coach i konsehero.

Komo fundadó i manehadó di e método ‘Forsa’, Mick ta trahando riba un estudio di ‘Sociogroep Therapeut’.” Mi ke focus mas riba e studio, training i coaching pa personal ku ta guia hóbennan i sigui amplia e método ‘Forsa’. Mi ke usa mi ekspertisio pa yuda i duna konseho na otro instansia ku ta traha ku hóbennan den Karibe i na Hulanda na instansianan ku ta traha ku hóbennan karibense. Ademas ta tempu pa kambio i algu nobo den e funshon,” segun Schmit. Di akuerdo ku Schmit e ta preferá hasi esaki kontrolá, en bes ku e tin ku sosodé diripiente.

Liënne Domacassé ta e persona adekuá pa e funshon komo direktora. Tur hende ta kontentu kuné. E tin hopi tempu trahando huntu ku mi persona i ta bon motivá. Mi ta kontentu di por pasa e batuta pa un Boneriano, un dama ku ta eksperto i hopi involukrá. Mi ta sostené den su funshon nobo i dun’é konseho si ta nesesario, “Schmit a bisa. Schmit ta komprometé su mes di kurason pa sigui boga pa bienestar di hóbennan ku problema di komportashon na Boneiru.   

Share This
error: Content is protected !!