KRALENDIJK – Riba djamars 16 di yüni a drenta keho di ladronisia i destrukshon. Entre 6.30 di atardi i 9’or di anochi, deskonosínan a kibra e bentana patras na banda drechi di un pikòp i a bai ku algun hèrmènt. E outo tabata stashoná riba e lugá di stashoná outo di Jong Bonaire situá na Kaya Libertador Simon Bolivar. Doño di e vehíkulo ta duna un rekompensa na esun ku por yud’e yega na su pertenensia nan bèk. Ta trata di un kaha di hèrmènt kolo kora di marka Milwaukee ku wil bou di dje, un maleta di bormashin marka Makita i algun skrufdrai. Tambe a bai ku un tas pretu ku un lèptòp marka Dell 15″ pretu aden. Tambe un ‘external hard drive’ ku informashon balioso i importante di trabou. E doño ta dispuesto pa duna un rekompensa di 100 dòler na esun ku entregá e ‘external hard drive’ intakto bèk. Pa esaki por tuma kontakto ku Aimed Ayubi na +5999520-9999 i lo bo keda anónimo.


KRALENDIJK – Op dinsdag 16 juni werd aangifte gedaan van diefstal en vernieling. Onbekenden hebben tussen 18.30 uur en 21.00 uur de rechter achterruit vernield en hebben enkele gereedschappen meegenomen. De auto stond op een parkeerplaats aan de Kaya Libertador Simon Bolivar geparkeerd. De zaak is in onderzoek.

Share This
error: Content is protected !!