KRALENDIJK – Pa por kontestá diferente pregunta i skucha prekupashon nan, e sindikatonan BPWU, representando e trahadónan di BOPEC, FEDEBON, representando e staf di BOPEC i sostené pa USIBO a organisá un atardi/anochi di informashon pa tur trahadó di BOPEC, nan famia i pueblo boneriano relashoná ku situashon aktual di e kompania. Entre otro a dirigí palabra Gabriel Pourier kende ta presidente di BPWU. “Awe nos tei pa duna informashon kon e situashon ta na BOPEC awor den 2020. BOPEC a kuminsá operá na Boneiru na 1975 i PDVSA a tuma maneho na 1989 i te awe ta manehá e kompania. Te awe nan ta kumpli ku tur kos pa loke ta trata nan maneho, sinembargo debí na sanshonnan, Merka i Hulanda ta kontra Venezuela, ta pone ku nan ta yega un kaminda ku no por sigui kumpli. E parti di mantenshon a bai atras, loke tin di aber ku mal maneho di direktornan ku tabata manehá BOPEC. Hulanda a pone 5 aña pa drecha kos sinembargo kosnan no a kana. Poulatinamente kos a kuminsá empeorá i aktualmente kasi tur kos ta paralisá na BOPEC. Esei ta e situashon aktual. Nos a papia di algun senario sinembargo tin chèns ku fin di luna awor nos no por kobra. Ta rekerí sierto kos pa por paga trahadó. E sèn tei sinembargo no por mishi kuné. Awor mester kuminsá wak kiko ta e siguiente paso, sea kiko ta bai hasi ku tur loke tin na BOPEC. Tin produkto i ta importante pa hasi e parti di mantenshon i saka e produkto, i si no hasié esaki despues ta bira un gastu pa gobièrnu pa por deshasí di e produkto entre otro. PDVSA tin sèn pero debí na e problema ku Merka no por saka niun sèn. Ta trahando duru pa wak kon por sigui ku operashon an BOPEC. E primintimentu pa tene BOPEC habri tei, sinembargo tur kos ta na palabra ya pa tres aña, i sierto momentu ta yega kaminda e no ta sigui. Hopi primintimentu sinembargo den práktika nada, “Pourier kende ta presidente di BPWU a menshoná.

Diputado Nina den Heyer ta otro persona kende a dirigí palabra i a menshoná entre otro tokante seramentu di BOPEC. “Si BOPEC sera e tin un impakto fuerte riba komunidat. Hopi hende ta traha na BOPEC. Gobièrnu tambe ta den un situashon kaminda no tin un bista kla kiko ta bai sosodé ku BOPEC. Tin atenshon pa e situashon, ta spera ku kos kambia i mehorá, loke ta nos tur su deseo,”diputado den Heyer a bisa. 

Durante e reunión aki lidernan a duna amplio informashon tokante e situashon di BOPEC pa asina komunidat mes husga ku BOPEC TIN FUTURO, ora a duna informashon kiko ta e konsekuensianan si BOPEC no kontinuá i kiko ta e benefisionan ku BOPEC si e sigui ku su operashon aki na Boneiru.

Diferente trahado prekupá i otro persona nan presente a hasi pregunta na e sindikatonan relashoná ku posibel seramentu di e kompania BOPEC.

This image has an empty alt attribute; its file name is 20200618_181523-1024x768.jpg
This image has an empty alt attribute; its file name is 20200618_181635.jpg
This image has an empty alt attribute; its file name is 20200618_181640.jpg
This image has an empty alt attribute; its file name is 20200618_181652.jpg
This image has an empty alt attribute; its file name is 20200618_182413.jpg
This image has an empty alt attribute; its file name is 20200618_183550.jpg
This image has an empty alt attribute; its file name is 20200618_183906.jpg
This image has an empty alt attribute; its file name is 20200618_184351.jpg
This image has an empty alt attribute; its file name is 20200618_184802.jpg
This image has an empty alt attribute; its file name is 20200618_185704.jpg
This image has an empty alt attribute; its file name is 20200618_190201.jpg
This image has an empty alt attribute; its file name is 20200618_190700.jpg
Share This
error: Content is protected !!