KRALENDIJK – Diputado Elvis Tjin Asjoe tabata invitado den e programa radial di Radio Live 99.9 FM yamá ‘Brunch99’, i a papia riba diferente tópiko di aktualidat. “Mi ta hopi kontentu ku e inisiativa ta sali di trahadónan di BOPEC ku ta buskando solushon. Tin sosten di Hulanda pa yuda den e asuntu di ‘BOPEC’. Tin ‘bestuursakoord’ i tin 11 punto di prioridat aden,  pues ta diferente kos ta den desaroyo. Hopi kos ta bai atendé pa haña mas sèn den kaha di gobièrnu. Nos tin atenshon pa nos mes hendenan ta den e funshon ku awor ta okupá pa otronan. Nada kontra e estranhero, sinembargo e Boneriano tin e promé opshon. Otro kos ta ku tin hopi sèn riba kaya i mester atendé esaki, ”diputado Tjin Asjoe a menshoná.     

“Tokante e asuntu di un karta di trahadónan di Bonaire Laboratorium (BonLab). E asuntu di amigu i kompinchi no ta kuadra. Ora ta trata asuntu nan di hende, kisas sospecho di a kometé algu inkorekto, mester hasié ku koutela. Awe ta Yonchi mayan por ta un otro famia i mester bai trankil. Ta hasiendo un investigashon pa eliminá BHM. Nos no a kore ku Ben, ta e mes a bai. Mi ta un mandatario ku eskrupulo, kontrali na loke nan ta menshoná. Hopi kos ta andando. Ami i Ben ta amigu i mi ta bai top’é na su kas pa papia sin ningun problema. No a nombra e hendenan pasobra e kos tabata den proseso. No pasobra Ben a bisa un persona ta bon, ta nombr’é. Tur kos ta bai paso pa paso. Na ‘BIA’ nos ta atendiendo un ke otro, i a papia di e produkto lokal ku mester keda. E kos mester keda lokal i no manera otro islanan. ‘Blue destinashon’ tin ku keda na aeropuerto. E turista ta bin Boneiru pasobra Boneiru ta diferente, sino e ta bai un otro lugá, ”diputado a menshoná tokante aeropuerto.

Nos komo MPB i UPB ta den bon harmonia i ta den kombersashon pa kosnan kana bon huntu ku Hulanda. Nos tin bon relashon ku Hulanda pa un mihó Boneiru. Boneiru a haña 9 mion pa atendé ku kamindanan i poko poko ta hasiendo trabounan pa drecha diferente kaminda, ta entre otro loke diputado Tjin Asjoe a menshoná awe mainta na Radio Live99.9 FM.

Pa bolbe skucha e programa, klik aki:

Programa Brunch 99 #19/6/2020

Programa Brunch 99 #19/6/2020

Posted by Live99FM Bonaire on Friday, 19 June 2020
Share This
error: Content is protected !!