KRALENDIJK – Wafnan di piskadó ta otro proyekto ku ta stanká, tabata entre otro loke Ernst Delanoy presidente di ‘Piskabon’ a menshoná den un kombersashon ku Radio Live 99.9 FM. “Algun aña pasá a entregá tur kos pa e proyekto di drecha waf di piskadó na Sorobon, esun na Playa pabou i Playa Frans. Hopi bia ta lubidá Playa Frans, kaminda tin hopi piskadó ta hasi uso di e sitio pa nan piska. Tin hende ta bai baha boto i ta aktivo na e sitio, spesialmente hendenan di Rincon. Nos a tende ku ta bai hasi diferente kos na wafnan di piskadó, sinembargo tur kos ta riba papel, i den práktika nada a sosodé. Tur esakinan tabata papiá i a deliberá riba nan, promé ku a bin ku e idea pa atendé ku waf di Chachacha.

Nada kontra esaki, sinembargo a papia pa atendé wafnan di piskadó promé. A resultá ku waf di Chachacha a bira prioridat, ku ta un sitio kaminda hende ta bai distraí i landa. E wafnan kaminda e piskadó ta usa pa gana nan sèn, a keda pone un kantu. Nada kontra, sinembargo a palabra otro. Mi a papia ku havenmeester Gunter Flanegin, kende ta un tremendo persona. Loke el a bisa, mi no ta di akuerdo kuné esta pa drecha waf di Chachacha promé, pasobra e ta serka di e otro wafnan den bahia. Pa nos tur waf tin un nifikashon. Un waf ta un sitio pa mara boto. Esei ta loke ta hasi ku un waf. Pues nos ta haña ku tur waf ta igual i tin nan importansia. No por ta asina ku un ta mas ku e otro, “Delanoy a menshoná.  

Waf di piskadó na Playa pabou
Trabounan tumando lugá pa sigun plan fin di luna e waf di Chachacha ta kla.
A usa material duradero pa renobá e waf.
Share This
error: Content is protected !!