KRALENDIJK – Djadumingu alrededor di 12:30 di mèrdia, mèlding a drenta na warda di polis ku tin un boto di piskadó den laman ganchu pariba di Boneiru pegá ku boka di Lagun ku a enkontrá problema. Mesora a dirigí algun patruya direkshon di Lagun i a mèldu rangernan di Stinapa pa nan tambe presentá pa wak kon por yuda pa reskatá e 2 persona nan abordo di e boto. Promé informashon ku a risibí ta ku stür di e boto a kibra i mesora a bati alarma.
Na yegada di Polis, Kmar i Stinapa na Lagun por a mira e boto aki leu mei mei di ola nan grandi.
Despues di basta lucha tin ku aploudí e echo ku e dos persona nan riba e boto “EDALINA B-91” a hasi nan máksimo esfuerso i logra hinka e boto aki ‘safe’ den boka di Lagun.
Momentu ku a logra mara e boto na un bui den boka di Lagun, e kapitan abordo a hasi nòmber di Tata i gradisí Dios ku tur kos a kaba bon.

FUENTE: LIVE 99 FM

Share This
error: Content is protected !!