KRALENDIJK – Grupo “Rekresaroyo 60+” a selebrá dia di tata na hotèl Habitat. Tatanan tabata den kompania di e mamanan di e grupo, kende a pasa un fin di siman na e hotèl. Djasabra anochi a saka e tata di e grupo, kende a resultá di ta Epifanio “Felix” Nicolaas. “Felix” a resultá tata di Grupo Rekresaroyo 60+ pa 2020. Tambe e grupo a sali riba tour i tabata turista riba nan propio isla. Nan a disfrutá di un dushi breakfast mainta i mèrdia saboriá un tremendo sòpi i kuminda surnameo. Despues a regresá hotèl pa hinka pia den awa i rilèks. Miembronan di e grupo a gosa i ta yama danki pa esnan kende a pèrkurá pa a organisá e fin di siman na e hotèl. Kombinashon di potrèt ta ilustrá parti di e ambiente.

Share This
error: Content is protected !!