KRALENDIJK – Norwin ‘Nochi’ Willem durante e atardi kaminda a informá tokante situashon di BOPEC.” Gobièrnu di Boneiru i esun di Hulanda, apesar ku BOPEC ta un kompania priva, no por para na kantu mira e desaster tuma lugá. E konsekuensia den ekonomia di Boneiru lo ta inmenso si e kompania sera porta. Si BOPEC keda habri e konsekuensia pa Boneiru ta hopi positivo. E grupo ku a mustra interes den e kompania i si nan haña e kontrakt, ta papia di 20 mion dòler pa almasená. A menshoná na gezaghèber i gobièrnu di Boneiru, si Boneiru pidi pa kada bari 5 sèn, i pa e kantidat di bari ku sali tambe 5 sèn, ta papiando di 10 sèn dòler merikano. No ta tur dia e tankinan lo ta yen, sinembargo nos por hasi un kalkulashon, si 20 mion ta depositá na BOPEC, nos ta papia di 2 mion dòler tur dia si tur tanki ta yen. Si konta esaki pa aña, ta pasa e montante di 700 mion dòler pa aña. Esaki por sosodé den un tempu kòrtiku, kaminda Boneiru por bira un isla ekonómikamente independiente. A papia tambe ku e kompania, ku e tin ku kontribuí pa e parti sosial. Esaki ta enserá ku por ehèmpel dak di skol na Rincon nunka lo por lèk awa. Vèlt nan den e bario tambe lo ta mantené pa medio di e kompania ku ta atendé ku BOPEC. Inbertí pa konstruí un teater kultural i krea kupo di trabou nobo. Gasolin mester bira mas barata riba isla. Pues ta trata di hopi bentaha pa e isla. No por papia pa sera BOPEC. E tei i mester hasi tur posibel pa e keda eksistí. E tin un balor enorme pa Boneiru. Tin kantidat di barku ku produkto riba laman, i nos mester prepará e sitio pa por warda e produkto, loke ta nifiká entrada pa Boneiru. Nos por komprondé ku gobièrnu tin atenshon ku tokante e situashon ku BOPEC ta pasando aden. Gezaghèber Edison Rijna bo ta tata di Boneiru, presidente di e ‘stuurgroep’. No para na banda sino ta aktivo i demostrá komunidat ku bo ta pará pa tene BOPEC habri, òf bisa bo tambe no ke mira BOPEC mas na Boneiru. E situashon ta di atenshon, entre otro sin konfiansa pa loke ta trata salario di trahadónan. No por atendé di e forma aki ku hende. Ta ora pa duna klaridat na komunidat di Boneiru i stòp di hunga tapa kara, ”Nochi Willem a bisa.   

Share This
error: Content is protected !!