KRALENDIJK – Pader Vikario Santiago Malagon a menshoná awe, ku e último wikènt di luna di sèptèmber, 26 i 27 ta selebrá sakramentu di Konfirmashon. Muchanan ku ta risibí “Promé Santa Komunion” ya e fecha ta konosí, esta 11 di òktober.

Muchanan di parokia di San Bernardo ta selebrá ‘Sakramentu di Konfirmashon’ djasabra mainta 26 di sèptèmber i muchanan di parokia La Bírgen di Coromoto djadumingu 27 parti mainta i esnan di Rincon, di parokia San Luis Beltran djadumingu 27 atardi. Ku tur probabilidat Obispo Luis Secco ta presente na Boneiru pa selebrá huntu ku e muchanan. Promé Santa Komunion ta tuma lugá 11 di òktober na tur 3 parokia katóliko na Boneiru. Ta trata di mas ku 40 mucha ku ta bai konfirmá di tur tres parokia. E muchanan ku ta bai risibí ‘Promé Santa Komunion’ i ‘Sakramentu di Konfirmashon’ den 2021, ta kontinuá ku lès despues ku terminá ku e parti di e aña aki. Esaki tabata loke pader Vikario Santiago Malagon a menshoná na Radio Live 99.9 FM.       

Share This
error: Content is protected !!