AKSHON DI LIMPIESA DEN ÁREA DI “SABADECO”

KRALENDIJK – Djasabra 27 di yüni binidero i djasabra 11 di yüli ta bai organisá un akshon di limpiesa den bario “Sabadeco”. Ta momentu pa hasi un limpiesa i deshasí di kantidat di kos ku tin ku no ta pèrtenesé na e sitio. Entre otro bòter i artefakto di plèstik, tur esaki kantu di kaminda. Ta inisiá ku pikimentu di shushi 7’or di mainta pa 8:30 di mainta. Ta kuminsá for di e area di Pakus di Tela Villas sigui bai direkshon nort. Ta piki shushi ámbos banda di kayanan ariba menshoná. Ta importante pa trese saku pa yena sushi aden, hanskun, kos pa protehá e kueru kontra rayo fuerte di solo. Awa i hèrmènt ku ta nesesario ta otro kos ku mester trese. Tin un pikòp disponibel pa transportá e sakunan di sushi ku piki e mainta. Si tin mas hende ku ke duna un man ku esaki, nan ta mas ku bon bini ku nan pikòp, loke nos ta apresiá. Lo tin djùk ku awa i djus pa esnan ku bin yuda. Duna poko di bo tempu pa duna un man i tene nos isla den e kaso aki bario “Sabadeco” limpi. Di e forma aki ta evitá ku e sushi ta bai laman ku tur e konsekuensianan. E di dos djasabra, esta otro siman 11 di yüli ta hasi limpi den e área paden di bario “Sabadeco”. Sara Matera i Rhonda Lockhart ta spera tur ku ta deseá pa duna un man na e limpiesa den bario ariba menshoná.

Share This
error: Content is protected !!