FUNDASHON FORMA TA HABRÍ PA INSKRIPSHON PA AÑA ESKOLAR NOBO 2020-2021

KRALENDIJK – Fundashon FORMA ta preparando pa aña eskolar nobo 2020-2021. Dietrich Winklaar i Cristina Dominquez Vasquez kende nan ta dosente na Fundashon FORMA, a papia na Radio Live 99.9 FM i a informá tokante e posibilidatnan ku tin di estudio. “Tin hopi interes pa sigui studia loke ta hopi importante. Di awor pa 10 di ougùstùs ta kontinuá ku inskripshon pa kuminsá skol. Tin sekshon di lès pa hende ku no por lesa skirbi bon, i tambe pa siña dominá idioma, oportunidat pa kurso kon haña i mantené trabou,i kurso pa esnan ku ya ta traha. Ta bai tin posibilidat pa por bai MBO, entre otro ta traha i studia na mes momentu. Pues tin diferente opshon ku un hende por siña i risibí nan diploma, i haña un trabou den komunidat. No tene bèrgwensa i tene bo mes patras den bida. Sali pa dilanti siña algu i kontinuá ku bida den komunidat ku un bon trabou. Si bo tin un negoshi i ta mira ku tin nesesidat pa empleadonan ta mihó den loke nan ta hasi, aserka nos. Ofisina di FORMA ta habri di 8or di mainta pa 5or di atardi durante siman i por pasa tuma informashon. Ta posibel tambe pa medio di ‘facebook’ òf na number di telefon 717-6949 pa mas informashon.” 

Share This
error: Content is protected !!