KRALENDIJK – William Evertsz a papia na Radio Live 99.9 FM kende a menshoná tokante e ‘Zomer Kamp’ organisá pa hóbennan di JongBonaire.

”E aña aki e famoso ‘Zomer Kamp’ ta kuminsá 6 di yüli i ta tèrminá 24 di yüli. ‘Zomer Kamp’ ta un aktividat ku ya ta tuma lugá pa 9 aña i ta konsistí di diferente sekshon di deporte. E promé siman tin e parti di sambuyamentu, despues ‘paintball’ i korementu di baiskel, modeling sakamentu di potrèt spesial pa e damsnan. Tambe práktika di futbòl, bòkseo, arte windsurf i e parti final ta e konosido ‘Survival Camp’. Esaki ta algun di e diferente aktividat ku ta bai tin durante e 3 siman, repartí den diferente grupo dependé nan edat.

Kosto di e 3 siman di ‘Zomer Kamp’ ta 15 dòler pa partisipá. Por pasa na Jong Bonaire pa inskribí. Di e forma aki nos ta kita algun dia for di kosnan di tur dia, sigur manera kosnan ku ta relatá na Internèt. Tin un kantidat di lider pa forma parti di e aktividat pa guia e hóbennan durante e 3 siman di programa. Pues si bo ta un hóben i no ta bai fakansi pafó di Boneiru, pasa na Jong Bonaire inskribí pa bo partisipá na e ‘Zomer Kamp’, òf yama 717-4303. Esaki sigur ta un eksperensia inolvidabel.” 

Share This
error: Content is protected !!