KRALENDIJK – Diputado Nina den Heyer resientemente a menshoná ku hopi ta esnan ku tin e tendensia pa gasta mas sèn. Kada un di boso por yuda pa kon por dil ku sèn, diputado a bisa durante un enkuentro ku tabatin, organisá pa e proyekto ‘Schuld hulp verlening’. Spesialmente e temporada aki  ku e problema di COVID-19, e hende ta bai hasi fiansa iresponsabel kreando problema finansiero pa nan mes. “Ta nos tur su responsabilidat pa yuda esnan ku ta den nesesidat ,kon dil ku e situashon pa e no bira pió. Si bo tin un komunidat sano ku hendenan finansieramente stabil, esei ta loke nos tin ku pèrkurá pe,” diputado den Heyer a menshoná.

Tambe a dirigí palabra Jona Chirino – Felida, kende ta kordinadó di e proyekto “Schuld hulp verlening”,i a  splika kon e ta mira e situashon pa loke ta trata e proyekto. “Esaki ta un kontinuashon di un konferensiá ku nos a tende na desèmber aña pasa. Awó nos a papia ku e instansianan i splika nan di loke ta bai sosodé i kon e situashon ta. Huntu ku diputado nos a yega na stipulá 6 punto di pila loke nos tin ku bai traha riba dje. Esei ta loke nos a trese serka e hendenan. A pone prioridat pasobra no por logra tur kos na mes momentu, sino stap pa stap. E promé kos ta pa wak kon ta atendé ku e parti di legislashon. Di dos ta importante pa esnan ku ta bai traha riba e tereno, ta pa nan ta bon ekipá na sabidoria i konosementu. Tin 2 gobièrnu i nos tin ku bai hasié di tal forma ku tin un union, i asina ta kontinuá. Tá konsiente kon bo ta bai usa bo sèn. Ya tin un kampaña yama ‘wak bo sèn’,i ta bai kontinuá ku esaki,” Chirino – Felida kordinado di e proyekto a menshoná.

Share This
error: Content is protected !!