KRALENDIJK – Djabièrnè 26 di yüni a tuma lugá entrega di sertifikado di ‘Junior Ranger.  Entre otro a papia e anochi Desiree Croes, i el a gradisí mayornan ku a kontribuí pa e muchanan ta eksitoso. Despues a papia Sky Wakanien, kende a elaborá loke hóbennan a siña. Entre otro pa kon protehá naturalesa di e isla, yuda i guia otronan di  naturalesa, i tene Boneiru limpi.

Algun hóben tambe a dirigí palabra i a ekspresá loke nan a siña, i a menshoná ku aparte di a siña hopi, e ta hasibo mas sosial ku otronan. “Un bia ‘Ranger’, pa semper un ‘Ranger’ nan a menshoná. Seguidamente a papia Peter Jager, direktor di ‘Junior Ranger’ i a ekspresá ku e ta orguyoso di e grupo. Último persona ku a dirigí palabra tabata diputado Nina den Heyer i el a menshoná ku e hóbennan aki ta lidernan di futuro. “Boso ta bai bira lidernan mas importante den futuro, pa solushoná problema. Spesialmente pa protehá loke ta importante pa Boneiru i mundu kompletu. Danki na STINAPA pa e logro aki, loke ta nifiká hopi pa nos komunidat, diputado a menshoná. Despues di a yama danki na spònsernan, a sigui ku entrega di sertifikado pa boluntarionan i e ‘Junior Ranger’ nan.

Share This
error: Content is protected !!