KRALENDIJK – Despues ku a bira konosí ku awe djamars 12’or di mardugá, doñonan di e tereno dilanti hòspital Fundashon Mariadal lo blokia e tereno aki pa stashoná outo, a bini diferente remarke i kritiká den direkshon di Fundashon Mariadal. E pregunta kardinal ta, unda personal i bishitantenan di Fundashon Mariadal mester bai para nan outo? Ta premirá ku esaki lo bai bira un kaos na momentu ku doñonan di e tereno blokia esaki.

Ta konosí ku Fundashon Mariadal ta ekspandiendo su edifisio pero kon por ta posibel ku nan no ta kòrda riba un sitio pa stashoná outo pa tantu bishitantenan i empleado? Kon ta posibel ku Fundashon Mariadal no a buska kontakto ku doñonan di e tereno pa kumpra esaki òf drenta un kombenio pa usa esaki? Tabata entre otro reakshon nan riba página di facebook di Live99FM Bonaire

Rijksdienst Caribisch Nederland (RCN) tabatin un kombenio ku doñonan dje tereno pa usa esaki pa su ámtenarnan ku ta traha den ofisinanan den sentro di suidat entre otro servisio di impuesto, SZW i OCW para nan outo. Naturalmente mirando ku e tereno ta habrí, otro hende tambe tabata usa e sitio aki, entre otro personal i bishitantenan di Fundashon Mariadal.

E kontrato di RCN ku doñonan di e tereno ta tèrminá awe 30 di yüni 2020 ku komo konsekuensia ku doñonan di e tereno ta haña nan obligá pa blòkia e tereno. Ta pidi doñonan di outo pa porfabor sòru pa nan vehíkulo no ta stashoná paden entrante 1 di jüli 2020. No ta konosí ku doñonan di e tereno mes tin otro plan ku e tereno komo ku ketubai tin un bòrchi di benta riba kurá di e tereno. RCN a bisa bon klá ku nan no ta dispuesto pa prolongá e kontrato ku doñonan di e tereno. Fundashon Mariadal tampoko ke yega na un dil pa kumpra òf hür e tereno. E supermarkado den bisendario di hòspital den pasado a intentá pa blòkia nan tereno pa outo pa solamente nan klientenan pero despues esaki a keda habrí. Ta interesante pa sa si e supermarkado tambe disidí pa blòkia nan tereno ta sigur ku e situashon lo bira pihó ahinda.

Share This
error: Content is protected !!