KRALENDIJK – Awe djabièrnè mainta algu despues di 11’or, trahadónan atento di nos kompania di limpiesa SELIBON N.V. a tuma nota di huma ku tabata sali for di e bakinan di separá sushi ku tin riba tereno di Plasa Medio Ambiente na kaya Industria. Mesora a bati alarma mirando ku kaminda tin huma tin kandela. Kuerpo di bombero a yega rápido na e sitio i a kuminsá paga e kandela ku tabata konsentrá den e baki kaminda tin kartòn i tabata menasá di pasa ofer den otro bakinan. Kousa di e kandela no ta konosí na e momentunan aki.

Debí na e kandela di awe mainta, ofisina prinsipal di Selibon i Plasa Medio Ambiente na kaya Industria lo ta será awe djabièrnè despues di mèrdia pa públiko pa asina por investigá kousa di e kandela. Naturalmente tin ku bai limpia tambe loke ku a keda tras. Mañan djasabra Plasa Medio Ambiente lo ta habri normal bèk.

Share This
error: Content is protected !!