KRALENDIJK – Diferente outomobilista a remarká ku kaya Papa Cornes den su totalidat ta rekeri atenshon urgente, esaki debí ku e kaya ta smal i ku rant di kaya haltu i tur na buraku. E kaya aki ta hopi usá pa diferente trùk, entre otro esnan ku ta trafiká den e área pa bai Landfill, LVV i/òf fábrika di blòki. Dos vehíkulo ta kasi imposibel pa pasa banda di otro sin un di nan baha for di kaminda. Aparte ku e rant di e kaya ta poko haltu, tin buraku tambe. E hendenan a pidi pa saka potrèt pa duna un bista di e sitio i pa esnan konserní hasi algu na e situashon. Den pasado a drecha e krusada di kaya Papa Cornes i Hanchi Amboina pa awa no keda para ora ku awaseru kai, pero e situashon a keda meskos i ta tribi di bisa ku e la bira pihó ya ku awa ketubai ta keda para i no ta sigi bai. Meskos ta pidi pa outomobilistanan tene kuenta ku e velosidat.

Riba potrèt e área kaminda ta rekerí atenshon pa e situashon di e kaya.

Share This
error: Content is protected !!