KRALENDIJK – Federashon di Futbol Boneriano (FFB) ta organisá un mini torneo di futbòl relashoná ku su 60 aña di eksistensia.

E torneo aki ta sirbi tambe pa ekiponan afiliá na e federashon kalentá i prepará pa temporada 2020-2021 di futbòl di nos isla ku lo kuminsá fin di ougùstùs 2020.

E torneo Kopa 60 Aña FFB ta kuminsá djaduminguo 12 di yüli i ta finalisá djabièrnè 31 di yüli 2020.

E kampion nan di s.v. Real Rincon di Rincon i Uruguay di Antriòl Pariba lo hunga e promé partido di e torneo Kopa 60 Aña di FFB ku lo kuminsá dia 12 di yüli 2020, esaki den Stadion Kralendijk na Playa.

E torneo ta finalisá djabièrnè 31 di yüli 2020.

Na e torneo lo partisipá e 10 timnan di FFB ku ta:

Real Rincon, Uruguay, Atlétiko Flamingo, Vespo, Vitesse, Young Boys, Estrellas, Ariba Perú, ATC i Juventus.

Pa loke ta entrada pa e partidonan di e torneo, esaki ta meskos ku temporada di kampionato ku ta $3,- pa hende grandi, $2,- pa mucha i esnan riba 60 aña.

Nos ta deseá e ekiponan tur klase di éksito den e torneok u ta sirbi tambe komo preparashon di e ekiponan pa kampionato 2020-2021 ku ta kuminsá fin di ougùstùs 2020.

Share This
error: Content is protected !!