KRALENDIJK – SBT Sonrisa djaweps ultimo na Jossy Boekhoudt Ballpark na Tera Kòrá, a duna tremendo homenahe na un di su “COACH” nan di e tempunan aya, ku ta sr. John-Marie “Pichiri Menudo” Nicolaas ku a kumpli 52 aña riba e dia aki.

E miembronan di e tim di sòftbòl femenino aki ku e tempunan aya a lanta bou di nòmber La Sonrisa Femenino pa despues bira Sonrisa, a reuní na Jossy Boekhoudt Ballpark i den forma di sorpresa, a sorprendé Pichiri na momentu ku e la yega bòlpark i topa ku e grupo ku tabata spera riba riba dje pa e homenahe den kuadro di selebrashon di su 52 aña.

Despues a sigui felisitashon na Pichiri, tambe e parti ofisial unda ku Claudette Raphaela a hiba palabra i dirigí su mes na Pichiri i tur ku tabata presente pa e okashon tan speshal aki,unda ku un ekipo di e tempu nan aya, a duna homanahe na su “coach” di e tempu nan aya.

Despues di e diferente diskursonan a sigui tambe entrega di algun regalo na Pichiri di parti miembronan di e tim Sonrisa.

Finalmente despues di e parti ofisial a sigui e parti festivo ku sòpi, snèks, algu di kome i tambe drinks.

E selebrashon komo sorpresa i homenahe na Pichiri tabata den un ambiente ameno ku tremendo ambiente.

Ta bon pa menshoná ku pa e okashon aki tabata presente speshalmente fo’i Kòrsou, un di e hungadónan di Sonrisa di e tempu nan aya, pa selebrá e kumpleaño i homenahe na su “coach” Pichiri”.

Ta trata di e hungadó Roosje Melaan, ku a mustra su apresio pa loke Pichiri a hasi p’e e tempu nan aya komo su coach, i no por a keda sin bini Boneiru speshalmente pa e okashon aki fo’i Kòrsou.

Esaki sin duda ta di apresia pa kuatantu e miembronan di tim i tambe su “coach” Pichiri, a keda hopi kontentu ku esaki.

Por a komprondé tambe ku mirando tur e hungadó nan dje tempu aya a bini huntu pa e okashon aki, nan ta pensá tambe di kuminsá trein i prepará pa un partido kontra kualke un tim veterano femenino.

Share This
error: Content is protected !!