KRALENDIJK – Maduro & Curiels Bank (Bonaire) N.V. ta anunsiá lo siguiente na su klientenan: ”Lo bo a tuma nota den varios komunikashon riba medionan sosial tokante aktividatnan di “hacking” i tambe “phishing” òf intentonan di esaki relashoná ku kuentanan di banko di nos klientenan.

Pa medio di esaki MCB kier a enfatisá ku nunka nos banko lo pidi bo ningun informashon relashoná ku bo kuenta ku nos òf ku tin di hasi ku akseso na sistemanan di nos Online Banking. Spesifikamente, banko nunka lo pidi bo verifiká òf revalidá bo kuenta òf bo kredensialnan pa haña akseso na bo kuenta. Esaki ta nifiká ku bo kredensialnan di “Username, Password i ePass” mester SEMPER KEDA SEKRETO i no mester wòrdu kompartí ku ningun hende.

Dado kaso ku bo risibi un petishon via e-mail, Whatsapp òf SMS pidiendo bo pa click riba un link pa verifiká òf revalidá bo informashon bankario privá, por fabor no hasi esaki i inmediatamente informá nos di loke a pasa. Bo por hasi esaki tumando kontakto ku nos via events@mcbbonaire.com òf nos página di facebook.

Nos lo kier a rekonfirmá ku e sistemanan di banko na ningun momento a wòrdu komprometí i e informashon pèrsonal i bankario di tur nos klientenan ta kompletamente sigur.

Por último, nos kier rekordá nos klientenan ku e protekshon di bo kredensialnan manera “PIN-Code, Username, Password i ePass” ta bo responsabilidat i mester wòrdu kuidá.

Sea alerta i kouteloso ku bo informashon pèrsonal.

Atentamente,
Maduro & Curiel’s Bank

Share This
error: Content is protected !!