KRALENDIJK – Djasabra 4 di yüli último outoridatnan polisial a detené un hòmber pasahero di un vehíkulo di inisial J.S. despues ku un patruya a mira shofùr di e outo tira den laira riba kaya J.N.E. Craane. Despues di un persikushon ku a bin kaba den e bario di Nort’i Saliña, a logra detené e pasahero ku tabata den e outo. E shofùr, ku ta esun ku a tira i ku su identidat ta konosí pa polis, a logra baha for di e outo i huí bai laga polis. Awe djaluna 6 di yüli, e hòmber shofùr di e outo di fam M. ku a baha i kore bai laga polis, i ku ta esun ku a los tiru den laira, a bai entregá su mes 10’or di mainta kompañá pa su abogado. Mientras tantu ketubai e vehíkulo ku e 2 hòmbernan aki tabata den, ta konfiská pa mas investigashon. Djasabra mes a tene un entrada hudisial na kas di un di e sospechosonan i no ta konosí te na e momentunan aki si outoridatnan a bin enkontrá kosnan ilegal na e kas. Investigashon den e kaso aki ta kontinuá.

Outo ku e hòmbernan tabata move aden i ku a keda konfiská pa mas investigashon.
Share This
error: Content is protected !!