KRALENDIJK – Diputado James Kroon i diputado Elvis Tjin Asjoe a papia ku prensa na Skol Amplio Papa Cornes tokante e proyekto di turismo na skol. Diputado Kroon a papia promé di e proyekto i a menshoná ku momentu a inisia e proyekto, tabatin un momentu tremendo huntu ku taksistanan i Boi Antoin kende a duna splikashon di sitionan bon pa turista, esta historia di sierto areanan. “COVID-19 a trese un sufrimentu fuerte serka entre otro taksistanan, esaki debi na e kaida konsiderablemente di turista riba e isla di Boneiru. Esaki ta e promé parti kaminda ta bai kontinua i ku gobièrnu ta habri pa yuda sali for di e krisis di e vírùs di ‘corona’. Mas aktividat sosial ta yuda krea moveshon den e direkshon di ekonomia,”diputado Kroon a menshoná. 

Seguidamente a dirigí palabra diputado Elvis Tjin Asjoe kende a bisa entre otro ku a yega na e final di e dia ku taksistanan a kore ku muchanan di skol di grupo 1 te ku 4. “E proyekto a inisiá djaluna. Nan a kore e parti sùit di Boneiru. Esaki ta duna e taksista un entrada den e temporada aki, ku ta praktikamente 0 na aktividat pa krea entrada pa nan. E idea ta pa bai nort di Boneiru i laga e muchanan sintinan mes komo un turista riba Boneiru. No solamente taksistanan sinembargo otro gruponan, tambe ta bon pa huntu ku e muchanan, lanta i konosé kiko ta e balor di turista. Boneiru ta dependé pa gran parti di turista. Praktikamente tur taksista ta aktivo na e proyekto ariba menshoná. Ta trata di fondonan ku gobièrnu tin disponé, pa invertí den turismo. Pa boneiru nos ta hopi kontentu ku a krea nos propio prosupuesto, i huntu ku Hulanda ta pone e ekonomia move apesar di e situashon aktual. Nos ta pensando riba mas proyekto pa ta mas aktivo. Entre otro por a tuma nota kuantu hende ta hür ‘Golf car’ i hasi paseo riba e isla, “diputado Tjin Asjoe a bisa. 

Share This
error: Content is protected !!