KRALENDIJK – Awe, djamars mèrdia algu promé ku 1’or a sosodé un aksidente di tráfiko entre dos outo di famia riba kaya Industria enfrente di Warehouse Supermarket.

Outo number 1 saliendo for di e sitio di stashoná di Fresh Market i ku kier a kita bai na su man robes, no a mira outo dos ku tabata biniendo di banda robes riba kaya Industria direkshon pabou ku konsekuensia ku nan a dal semi frontal den otro. Ambulans a presentá na e sitio pa un chekeo médiko riba ambos shofùr ku tabata keha di dolónan leve. Shofùr di un di e outo nan tabata keha di draimentu di kabes. Ámbos outo tabatin basta daño material. Pero e konsekuensianan pa esnan konserní den e aksidente aki a keda limitá komo ku ámbos tabatin nan faha di seguridat bisti.

Polis a presentá pa dirigí tráfiko mientras CRS ku ta atendé asuntunan di seguro a registrá e aksidente di tráfiko aki.

Share This
error: Content is protected !!