KRALENDIJK – Irene Winklaar a fayesé djabièrnè 3 di yüli den oranan di anochi. Un amiga di Fittipaldi pa un tempu largu. “Komo sakadó di potrèt pa korant Extra, mi a konosé Irene. Mi tabata top’é na diferente okashon. Semper e ta deseá p’ami saka su potrèt i manda  esaki pe. Despues mi a pèrd’é un temporada i a tende ku e ta malu i tabata den eksterior. El a regresá i rekuperá i mi a top’é i a bras’é fuerte mi ta kòrda. Nos a kombersá manera semper ku nos ta topa. Na diferente momentu mi tabata top’é na Chachacha Beach. E tabata gusta landa ku e otronan, entre nan Eddy Rijna. E sa kontami ku den pasado e tabata atende hopi ku kosnan relashoná ku potrèt, e sistema di ántes labamentu di potrèt etcetera. Mi tin algun tempu sin mir’é i mi sa ku e kurpa no tabata stabil manera mi konosé den pasado. Siman pasa mi a tende e tristu notisia ku el a bai sosegá den brasa di Señor. Dios duna forsa na famia i ku e ta haña un lugá den Reino di Tata den shelu. Riba potrèt entre otro Irene, e tres damanan ku tabata e promé nan ku a traha na BOPEC si mi no ta kiboká. Otro potrèt ta momentu Irene tabata na Chachacha Beach i su hendenan.  

Share This
error: Content is protected !!