KRALENDIJK – Fundashon Kuchara ta pidi atenshon pa e muchanan ku durante e situashon di krísis di Coronavirus no tabatin e medionan disponibel pa kontinuá ku nan enseñansa na un distansia na un manera adekuá i eksitoso.Seramentu di skolnan a eksiguí hopi di e muchanan aki i nan mayornan. E situashon na kas segun FK a komprondé di diferente mayor tabata un situashonnan tenso i frustrante pa diferente mucha i nan mayor pa motibu di no por a kumpli ku tur e tareanan eskolar pa motibu di falta di medionan i konosementu di materia. E situashon tabata un situashon nobo pa kada famia i sigur pa famianan ku tin muchanan ku nesesidatnan spesífiko.


Fundashon Kuchara ke logra den koperashon ku skolnan i instansianan di kuido pa yega na solushonnan na midí pa muchanan ku mester di èkstra atenshon pa oumentá nan chèns di logro.
Fundashon Kuchara ke logra den koperashon ku skolnan i instansianan di kuido pa yega na solushonnan na midí pa muchanan ku mester di èkstra atenshon pa oumentá nan chèns di logro.
Fundashon Kuchara a sostené i guia eksitoso mas ku 50 mucha na Boneiru(2017-2018). Nos a yuda nan ku nan lèsnan di skol i a brinda nan aktividatnan sosial, edukativo i rekreativo. Asina e muchanan por desaroyá nan talentonan I presta mas pa den futuro nan por nifiká algu den nan komunidat.


Pa FK sigui hasi esaki nos mester di yudansa i koperashon di komunidat.
Djasabra 11 di yüli FK lo tin su promé aktividat pa generá fondo kual ta un benta riba stupi (Porchsale) di 9.00 pa 11.00 na Kaya Rex 4.


FK ker a hasi un apelashon na tur esnan ku ke hasi un diferensia pa tuma kontakto ku nos na fundashonk@gmail.com . Por tuma nota tambe di nos página di ‘facebook’: Fundashon Kuchara i tambe ta haña nos riba Instagram.

Share This
error: Content is protected !!