KRALENDIJK – Robinson E. sinta den sala di korte awe mainta huntu ku su abogado M. van Lieshout, esaki debí ku entre otro Robinson a morde man di un hende. Fiskal Boheur a menshoná algun fecha i loke nan ku ta akus’é di dje. Ta trata di 8 febrüari, 21 yanüari 6 yüni i 4 yüni ku el a kometé algu inkorekto. Ta trata di kaso di ladronisia fo’i kònteiner, kaso di maltrato i mas. Total tin 7 akusashon riba akusado Robinson. Abogado a papia di loke nan a sosodé ku su kliente i despues fiskal M. Boheur a papia. Entre otro a menshoná ku Robinson mester di kuminda i drumi sufisiente pa e ta mas trankil. Esaki por yud’é pa e ta mas trankil momentu e ta den libertat. Akusado a reakshoná i a bisa e ta usa solamente mariwana i no kokaina mas. “Mi ke mi libertat i mi ta hopi bon bezig último tempu. Mi ta hasi diferente trabou i trabou boluntario, akusado E. a bisa den sala di korte. Hues a posponé e kaso pa atendé sierto kos pa por trata e kaso profundo. “Bo tin ku keda den prison. Loke nan ku a sosodé ta kosnan serio i hopi tin molèster di bo den komunidat,”hues a finalisá e kaso pa awe i ta kontinuá despues. Riba potrèt Robinson drentando sala di korte tapando su kara awe mainta, ku tur dokumentu den man.

Share This
error: Content is protected !!